DILI- Konsellu Ministru (KM) aprova ona rezolusaun konaba protokolu koperasaun entre TL, Cavo Verde no Muzmbique. Aprovasaun nee hodi hametin kopersaun ba iha area justica, hatete Sekertariu Estadu Konsellu Ministru Avelino Coelho ba jornalista, hafoin remata Konsellu Ministru iha Palacio Governo, Dili, Tersa (18/8/2015).

Nia afirma, rezolusaun nee hodi fo oportunidade. Depois proposta mai tan hosi Ministru Justica konaba protokolu ordem publika Mozambique nian, mos ba area justica. Akordu halao tiha ona durante enkontru CPLP.

Alende nee KM diskute mos dekretu lei konaba estatutu administrasaun municipal. Nee hodi haree oinsa dezenvolve sistema municipal ba iha nivel administrasaun. Maibee proposta nee adia fali ba semana oin hodi diskute, antes KM aprova.

Observador Justica, Andre da Costa Ribeiro hatete, tinan kotuk liu ba, governu inklui Parlamentu Nasional hasai rezolusaun hodi duni sai Juiz, Ministeru Publiku no defensor publiku internasional sai husi Timor Leste.

Maibe problema nee Governu TL ho Portugal konsege rezolve hodi halao fali rekopersaun iha area justice nia, agora Governu liu husi Konsellu ministru aprova tan rezolusaun, hodi hametin kopersaun entre TL, Cavo Verde inklui Musanbique, nee sei diak liu tan,”hateten Andre.

Luis Antrade haforsa tan, justice durante nee fraku tebes, tamba nee susar atu halao justice ba ema neebe komete krimi korupsaun inklui krimi sira seluk. Agora governu iha ona hanoin atu hadia justice no kombate krimi iha railaran, liliu krimi droga no korupsaun.  Joao Anibal

Komentariu