DILI-Diretur Nasional Koperativa husi Ministeriu Comerciu Industia I Ambiente (MCIA), Marcio Lay hatete, koperativa hamutuk atus ida sete (107) mak eziste ona iha Timor Leste (TL).

“Maibe Koperativa neebe eziste ona iha Timor Leste, Durante Nee ami apoiu koperativa laiha kbit laek, atraves formasaun hasae kapasidade, apoiu funsionamentu tuir fase formasaun, disiminasaun informasaun sensibilizasaun iha komunidade iha area rurais,” dehan Marcio Lay ba STL, Sigunda(14/10) iha Igreja Hosana Bebora.

Nia esplika liu tan katak, MCIA dirasaun Koperativa Apoiu koperativa liu husi formasaun, iha kapasidade diak hodi jere ekonomia familia uma laran, tamba governu iha ona hanoin atu promove koperativa.

Nia hatutan iha Koperativa atus ida resin, kopreativa 25 prense ona rekezitu kriteria governu, iha koperativa 10 hari loja do povu, koperativa 23 sosa produtu local.

Politika governu mak apoiu koperativa ki’ik, nunee dezemvolve gropu diak. Pilar ekonomia iha setor tolu, hanesan setor privadu, setor koperativa, setor publiku. Program inovasaun harii loja do povu atu resolve problema barak, tamba ne’e buka atu hadia nafatin no planu ba oin iha 2014 sei harii federasaun ha’at iha rai laran.

Iha fatin hanesan Renaldo Borges hanesan tekniku iha Dirasaun Koperativa hatete, setor koperativa, setor privadu no setor publiku mak sai pilar importante iha vida ekonomia. Tamba ne’e, governu kontinua fo apoiu  ba koperativa hodi kapasita rekursu umanus, hasae kapasidade no kuinesementu diak.

“Agora governu kria loja do povu mos sasan importa husi rai liur mak mai, ita seidauk produs rasik, politika governu nian promove industria ki’ik bele produs rasik, ita seidauk produs supermi fa’an iha loja do povu, maibe Ministru koalia primeiru promove industria ki’ik, produs buat ki’ik oan,” dehan nia.

Nia hatutan, dirasaun nasional koperativa apoiu koperativa industria  ki’ik hodi produs sabaun, mina nu’u iha Lospalos, Baucau, maibe maioria koperativa kreditu. Josefa dos Santos

Komentariu