DILI—Komandu Jeral Polisia Nasional Timor Leste (PNTL), tau ona postu iha area ne’ebe durante sempre mosu konflitu entre joven ho joven.

Tuir Adjuntu Komandante Jeral PNTL, Komisariu, Afonso de Jesus ba STL STL, iha Kuartel PNTL, Kaikoli Dili, Kinta, (09/01/2014), katak area ne’ebe maka PNTL indenfika maka iha Bairo Beto ninian, no Bundara ba Airo-Portu ninian nee mos PNTL hari tia ona postu seguransa iha ne’eba, inklui mos postu ida iha areas Beto ninian, atu hodi kontrola joven sira ne’ebe maka sempre provoka malu iha area revere.

Tanba nee PNTL nunka atu hapara ninia seguransa ba iha areas sira nebe’e maka sempre mosu konflitus ba, atu nune’e hodi bele evita joven sira ne’ebe maka gosta tuda malu, baku malu, inklui mos violensia domestik sira ne’ebe maka sempre akontese iha publik sira.

Afonso mos hatutan tan katak,agora dadaun nee komandu esforsu makas atu hodi haruka membrus sira husi hametin diak liu tan seguransa iha bairo hotu-hotu, tanba seguransa nee importante liu-liu atu kontrola bairo sira nebe’e maka sempre mosu beik-beik konflitus.

Nune’e mos tuir komandante operasaun nasional superintedente Xefi, Armando Monteiro hateten, maske hanesan servisu iha operasaun ninian, halao mos monotorin ba iha Bairo sira ne’ebe maka sempre mosu konflitus ba, tanba nee maka sira hare iha Natal no tinan foun nee Bairu sira nebe’e maka sempre mosu problema laiha tanba membrus PNTL sira halo movimentu ba mai.

Alende nee mos tuir Antonio Pereira (komunidade Beto) hateten, sira nesan komunidade sente ba hakmatek itoa ona tanba maluk joven sira ladun tuda malu ona.

 “Hau mos sente kontenti tanba ita nia polisia mos liu oras sira mos sempre halo patrulha liu iha areas sira nebe’e sempre mosu problema ba,tanba nee hanesan komunidade agradese tebes tanba iha Natal no Tinan foun ami komunidade sente seguru tanba hetan seguransa diak mos husi ita nia PNTL sira,” dehan Antonio. Sonia Ferreira

Komentariu